باش اوجا – غئیرتلی آذربایجانین تورک میللتیی
1385- نجی ایلین خورداد آیینین 1-اینده آذربایجانلی لار ، اؤز گوجلو اؤفکه لرینی پارس شوونیزمینه قارشی گؤستردیلر ، و بونو ثوبوتا یئتیردی لر کی آذربایجانلی یاتماییب و اؤز کیملییینی قوروماق اوچون ، بیرلیک ده تورک لویونو هارای لاییر.
خوردادین بیری (1385.3.1) آذربایجانین میللی قیامینین باشلانیشی گونودور.
گئچن ایل جسارتلی اوغول لاریمیز، و نجابت لی قیزلاریمیز ، فرهنگ و دیلیمیزین یاغی لارینا عصیان یاراتدیلار ، یارالاندیلار ، گؤزلردن کور اولدولار ، و نهایت ده آذربایجانین مقدس توپراق لاریندا قان وئریب شهید اولدولار .
آمما ، آذربایجان بوتؤولوکده تام مدنی داورانیش لاری ایلا ، پارس فاشیسمین قارشیسیندا ناموسونو قورویارکن میللی انقلابینی باشلاییب . بو اینقیلاب بو ایل ، << بابک ایلینده >> گوجله نیب دیرچه لیرو بیرلیک ده آیدین گلجه یینه دوغرو داوام لاییر .
" آند اولسون بابکین تیکه له نمیش بدنینه ،
آند اولسون ستارخانین تهران دا یاتمیش غریب مزارینا
آند اولسون 21 آذر گونونده 30- مین دن آرتیق تؤکولن قان لارا
آند اولسون 1385- نجی ایلین خورداد گونلرنین تبریز ، اوُرمو ، سوُلدوز و اردبیل شهرلرینه "
بیز آذربایجان شهیدلرینین قصاصینی میللت یاغی لاریندان آلاجاییق ، و بیرلیکده آند ایچیریک پارس شووونیزمین استیلاسین آذربایجاندان سونا بیتیره جه ییک .
قاباقجالار تورک لر یالنیز پارس لارین فرهنگی اشغالینین آلتیندا یاشاییردیرلار، ایندیسه آذربایجان ، نظامی قووه لرین حاکمییتینده آغیر دوُرومدا قالیب دیر.
ائهئی ستارخان و زینب پاشانین غئیرت لی بالالاری ، بو قارا فاشیزمی آرادان قالدیرماغا یالنیز و یالنیز بیرله شمه میز- آییق لیغیمیز گرک لی دیر .
بو گون بیزیم ناموس گونوموزدور- و بوتون شهرلر بو گونده ایتفاقا چاتیب لار.
گلین ، ال- اله وئره ک و آذربایجانین شرافت بایراغینی قالدیراق
تورک لر 7 مین ایل لیک زنگین گئچمیشینده ثابت ائدیب دیرلر کی آغیر و چتین وضیعت لرده باش قاوزاییب- دیرچه لیب- یوکسه له بیلرلر .
داها پارس لارا برده لیک یئتر ،
داها اؤزگه چیراغینا یاغ اولماق یئتر .
ایندیسه آذربایجانین عزیز مرندی، گؤزه ل قوشاچایی، دیرنیشلی سولدوزو، مقاویم لی قاراداغی، بو اؤلکه ده تورکلرین بؤیوک تبریز، اردبیل، اورمیه،زنگان و همدان شهرلرینه قاتیلین- بیرلشین . بوتؤو آذربایجانین کندلری- شهرلری ، ال- اله وئرین قارا شووونیزمه قارشی قیام ائدین .
تهراندا یاشایان میلیون لار تورک آیاغا قالخین ، << آذربایجان >> قان آغلاییر،
داها گونو گونه ساتماق یئتر،
داها پارس لارا بوش اومود باغلاماق یئتر .
آذربایجان تورک لرینین بیرلیک بایراغی قالدیریلیب دیر ،
ائهئی 35 میلیون تورک قانی سندن چؤره یی فارس لار یئییر.
گؤله لیک- نؤکرچی لیک زامانی سونا چاتدی
آیاغا قالخ
آیاغا قالخ
گؤروشوموز : تبریزده راستا گوچه آغزی
ساعات 4:30 ، و باشقا شهرلرین
معین اولونموش یئرلرینده .
زامان : سه شنبه (آرا گون) 1386.3.1
2007 May 22
گونئی آذربایجان
A.A
1386.2.25
2007 May 15
torsdag 17 maj 2007
Prenumerera på:
Kommentarer till inlägget (Atom)
Inga kommentarer:
Skicka en kommentar